ENDO SEALERSكل حاجه عن ال

كلنا بنهتم بال Access وال Mechnical وشكل ال Obturation لكن محدش بيشغل باله اوي بأهمية ال Sealer

أيه اللى هيحصل لــو عملنا إندو من غير Sealer ؟!

واختار نوعه ازاي ؟..مش لازم اسال اللي قبلي بيجبوا ايه واعمل زيهم وخلاص

تعالى كده ناخد جولة في عالم ال Sealers :

**ليه بنستخدم Sealer وايه وظيفته ؟

أحنا عايزين الـ Sealer بتاعنا ده يحققلنا أهم Function

كلنا فاهمين غلطــاً ان الـ Sealer وظيفته الـ Obturation ,

لا, Absolutely 

*الـ Sealer ليــه وظيفه واحده بس

هي ال Space Filling ..يعني ايه 

يعنى يـ Fill الـ Voids اللى بين الـ Gutta- percha وبعضها ,

ويـ Fill الـ Voids اللى مابين الـ Gutta- percha والـ canal wall

بمصطلح علماء الاندو يعمل Hermetic seal

يملأ الـ Lateral canals و يلاقى الـ Accessory canals يروح يملاهـا

○○○○○○○○○○○○○

نيجى للســؤال اللي الناس بتسأله بقى

أيه أحسن Sealer مــوجــود فـ الســوق ؟!

أهــوه ده ســؤال ميتسالش !

يعنى ينفع أســالك مثلاً, أيه أحسن عربيــه مــوجوده فـ الســـوق ؟!!!

وده لان مفيش نوع Sealer

بيجمع كل Ideal requirement اللى أحنا نفسنا فيهـا

طاب تعرف أنواع الSealers ؟

طبعا هتقعد تقول زنك و resin و bioceramic او تقولي اسامي تجاريه وخلاص..وده طبعا مش صح

ال Sealers متقسمين ل 3 Categories :

A.Therapeutic:

يعنى بنحطــه كماده دوائيــه مش بس تدخل تعمل space filling لا كمان تعالج ال inflamed tissues

1<ZnO & Eu:

من أقدم و أشهر أنواع الـ Sealer اللى فـ الســوق مشهــور أوى بأن بيحصله Leakage للـ Eugenol , ويبتدى يشتغل كـ Medication , وعلشان كده بنشتغل بيـه كـ Therapeutic

وفـ نفس ذات الوقت بيعتبر مـوضوع الـ Leakage ده من أهم عيـوبه ,علشــان بيعملنا Voids كتيــر .

2<Ca(OH)2 :

الـ Ca(OH)2 بيتميز انه لما بيلاقي أى Microorganisms فـ الـ Canal يمــوتها

لو لقى أى Inflammation يقضى عليها

لأ والاحسن من كــده ان لو المريض عنده Apical bone lesion or Resorption

الـ Ca(OH)2 ,علشــان هــو Alkaline ,

هينزل يشجع خلايا الـ Osteoblast تكون Bone تاني فـ الحته دى

أشهر مثال فـ السوق للـ Calcium hydroxide sealer ,

هــو الـ Apexit plus .. بتاع شركه Ivoclar

°°°°°°°°°°°°°°°°°°°°°°°°°

B.Adhesive Sealer:

الـ Sealers اللى بتعملAdhesion كتيــر

زى الــ Glass ionomer sealer , والـ Resin Sealer

مثال عليه في السوق:

الـ AH plus بتاع شركه Dent supply

أو الـ ADseal بتاع شركه META ..

و ضروري قبل مابنستخدم الـ Resin Sealer 

نعمل Irrigation بـ EDTA gel

علشان يشيلى الـ Inorganic component بتاع الـ Smear layer

وده بيبقى أحسن بكتير من الـ Solution , لانه كمان بيشتغل كـ Lubricant

ال Adhesive Sealers من الانواع القوية جدا واللي ناس كتير اتجهتلها الفتره اللي فاتت

مشكلته انه بيبقى صعب أوى يتشال

فـ حاله اننا هنعمل Re treatment

°°°°°°°°°°°°°°°°°°°°

C.Bioceramic :

لازم تعرف معلومه مهمه ان هما عباره عن MTA عادي جدا

بس بدل bismuth oxide

حطوا tantalum oxide عشان يشتغل ك Radiopacifier وحاجات تانيه

عشان يبقى له خصائص السيلر العادي بتاعنا

flow rate & setting time & accepted working time

طاب ليه الناس هتتجنن عليه كده وايه اللي مخليه غالي غير وجود ال MTA

في ماده مهمه اتضافت عليه وهي ال

calcium phosphate

والمادة دي Biocompatible جدا جدا

وكمان Bioactive و بتساعد ف حصول ال healing

والاهم انها بتكون

crystalline structure similar to tooth and bone apatite materials

ببساطه..سحر 

و تقدر تستخدمه في كل الحالات اللي تقابلك وفي الvital pulp therapy

sever bone loss due to abscess

open apex

هو اللي تقدر تقول عليه أحسن Sealer بقلب جامد ..كفايه انك تقدر تستخدمه في ال Hydrulic Condensation او اللي بنسميه

single cone obturation 

وتقدر طبعا تشتغل obturation باي تكنيك انت تحبه بس ده الاسهل والاسرع

وعلى خلاف تعريف ال Sealer اللي بدأنا بيه البوست انه مجرد space filling

 bioceramics is the main core material of obturation

and GP is just a carier

To make sure it reaches every mm

And to facilitate Rettt process

عندنا 2 Precautions مهمين :

1.اووعى تستخدم Warm Vertical مع ال Bioceramics

لان الحراره دي بتخليه يحصله سيتنج ف ثواني

2.السيلر ده عنده fast hydrophilic reaction

فحاول تخلي ال canal dry عشان يديك وقتك مرتاح

والسيلر مينشفش منك

ال setting time بتاعه بياخد 4 ساعات فلو جيت تعمل اوبيتوريشن ولقيت الماستر كون طلع قصير

بنسبه كبيره جدا دا مش هيٱثر علي نتيجه شغلك وبيديك مرونة انك تسحب الكون وتحط غيره زي ما حكينا في بوست

(ال Obturation طلع قصير أعيده ولا أسيبه ؟

لو عايز تقراه شوف اللينك ده

(https://m.facebook.com/story.php?story_fbid=2135414926708520&id=1929922397257775)

الانواع الموجوده في السوق :

1.Sure-Endo

Lama Medical من شركه

حجمه 2 جرام ب 1500 بنقول عليه

pure bioceramics

2.Gutta flow

Bioceramic with flowable guttapercha

كنا اتكلمنا عنه في بوست ال Obturation

ده بيتضرب زي كبسولة الجلاس اينومر وعنده nozel كده

هووب يدخل يعمل احلى شغل

Lama medical برضو من شركه

حجمه 3 mg

سعره 2500 جنيه فده برضو حاجه حلوة جدا

3.Endo seal:

من شركهBibo dent وده ارخص شوية من اللي فاتوا..حجمه 3mg

وسعره 2000 جنيه

4.Bioseal :

ده من شركه Coltene و اخدو نفس فكره تاني نوع تقريبا based on Guttaflow

حطت بقي الBioceramic مع الGata flow ف سيرنجه واحده automix

بيتخلط الاتنين ب بعض

وبيحصله setting expansion عشان يملا الكانال بالتالي مفيش voids

قبل ما تمشي عايزينك تعرف معلومات مهمه كده ع السريع :

1.العبــره مش فـ الـ Sealer

العبره فـ Mechanical Preparation محترم , وبالتالى Working Length صح , فـ Irrigation كويس

لو مش عامل كل دول تمام

الـ Bioceramic مش هيخليك Stephen Cohen

الـ Sealer مبيعملش أندو لوحده .. It’s just a sealer ..

2.السـؤال الاشهــر والاكبر كارثية :

هــو أنا ينفع أستخدم الـ Granulotec أو الـ Pulpotec كــ Sealer ؟ !!!!

المُنتج السِفـــاح ,

تحسه حاجه كده نتيجــه جواز غير شرعى مابين الـ Bioceramic فـ أمريكـا

والـ Zycal عندنا فـ مصر 

النــاس اللى بتستخدمــه مبدئهم فـ الحيــاه ,

لــو حلال أدينا بنشتغل بيــه , لـو حرام أدينا بنلبّســه للمريض 

وتلاقى الواحد فيهم يبدا يقــولك أنه بيدى نتايج ممتــازه ,

وانه أشتغل بيـه فــوق الـ 1000 حاله ,

تقــوله طيب هاتلى حاله واحده عملهــا Documentation على مدار سنتين حتى و أكتر ,مبتسمعش غيـر صــوت صرصور الحقل

تعالى سوا نعد مصايبه 

رقم واحد

من أهم مكـوناته الـ Formaldehyde , ودى ماده Carcinogenic ,

أقــولك عـ حاجه أحسن ,

الـ U.S. Food and Drug Administration مبتديش أى Approval ,

لأى Sealer بيحتــوى أصلاً عـ Formaldehyde derivatives أصلاً.

وبالتــالى مبتلقهـوش بيستخدم غير عندنا أحنــا هنــا 

رقم اتنين

من مكــوناته الـ Phenol , ودى مــاده Highly toxic

رقم تلاته

مع الوقت بيعمل calcification للــ Canals كلهــا

نتيجـه أن بيحصله Leakage وينزل تحت يعمل Irritation للـ Radicular pulp ,

فـ الـ Pulp يرُد ويعمل Calcification ,

مش بس كده ده كمــان بيعمل Necrosis وحــاجه زفت 

رقم اربعة

المصيبــه الاكبر أن جــواه كــورتيزون , وده بيــ Mask الــ Inflammation ,

وعلشــان كده تلاقيــه بيقولك , باشتغل بيــه ومحدش بيرجع يشتكى يا باشا وحاجه اخر فل…طبعا انت كده فهمت ليه

متسبش حد يقرطسك بقى

وبكده نكون خلصنا موضوعنا

This site uses cookies. By continuing to browse the site you are agreeing to our use of cookies. 5 Quarters Dentistry® takes the privacy of your information seriously. To understand how and why 5 Quarters Dentistry® uses, manages and protects personal information, please click here to review our updated privacy policy.