Oct 18, 2020

POST AND CORE كل شيء عن

هنتكلم النهارده على موضوع شائك و مليان مشاكل .. و يهمنا كلنا ..

Post and core و كل شيء عن ..

و معلش الموضوع هيكون مفصل و طويل و على كذا جزء … فعايزين نفس طويل و هنتعبكم معانا .. لكن باذن الله في الآخر هتكون الاستفادة كبيرة

————————–————————–————————–——–

نبذة تاريخية …

على عكس المتوقع البوست قديم جدا موجود في طب الاسنان من اواخر القرن السبعتاشر .. و السبب في وجوده انهم زينا احيانا الامالجم او حشوات الدهب ساعتها مكانتش عارفة تمسك في الاسنان ال Badly broken .. فجت عندهم فكرة انهم يعملوا امتداد للحشوة جوة قناة العصب … و بدأ فعلا بنفذوا الفكرة دي بأخذ مقاس للسنة و قناة العصب و ظهر عندنا البوست casted واللي مازال مستمر ده لغاية دلوقت  .. و يمكن عشان انه عتيق كده السبب في وجود مصطلحات غريبة زي Dowel , ferrule مش منتشرة في طب الاسنان اوي .. طبعا البوستات قعدت تتطور في اشكالها و المواد اللي بتتعمل منها .. لغاية ما بقت موجودة بشكلها الحديث اللي بنستخدمه النهارده ..

————————–————————–————————–——–

بعد الدردشة التاريخية دي … نخش على الجد ..امتا نستخدم البوست ؟

اولا عمر ما سنة محشية عصب هتبقا سليمة .. يا اما هيكون التسوس واكلها او فيها حشوة كبيرة سابقة او مخبوطة فاتكسر منها جزء كبير .. دا غير ال access اللي ممكن يضيع جزء كبير من السنة

——————–

ثانيا السنة المحشية عصب فقدت التغذية فبالتالي هيبقا عندنا dehydrated dentin ضعيف ..

و كمان مفيش احساس فممكن المريض يدوس عليها جامد من غير ما بياخد باله و تتكسر منه ..

فممكن تقول كده من 40 % ل 60% من اسنان الاندو بيحتاجوا بوست و تقريبا 90 % هيحتاجوا كراون ..

——————–

طب يجي سؤال تاني .. ما يا عم كبر و فكك من البوستات .. ليه وجع القلب ده نص الاسنان الاندو اللي بشتغلها هعملها بوستات ؟

هقولك اه لازم و متكبرش ا لأنه على عكس الاسنان العادية الحشوات بتفلير اكتر الضعف في اسنان الاندو بالمقارنة بالاسنان العادية .. بل انه نسبة الخلع في الاسنان المحشية عصب بسبب فشل تقفيل الحشو اكتر بكتير من بسبب فشل حشو العصب نفسه ..

————————–————————–————————–——–

طب خلاص اقتنعنا ؟؟ نخش بقا على الخطوات العملية و اول خطوة ..

Pre- operative assessment

طيب قبل اي حاجة هنعمل Endodontic& periodontal evaluation

هتعمل x ray و تفحص clinical .. و تبص على ..

1- apical seal

2- percussion

3-palpation

4-sinus tract if existed

5-Diagnostinc probing

6- Mobility

لو حاجة من دول مش كويسة نشوف السبب و نعالجه .. و لو hopless للأسف لازم نخلع السنة

——————–

تاني حاجة هنعمل Restorative evaluation

بمعنى هنشوف قد ايه باقي من السنة .. و قد ايه occlusal forces نازلة عليها .. يعني باختصار الوضع الافضل اللي ممكن تنجح فيه الحشوة ..

فيه اسنان هيكون كافي جدا اننا نعمل كراونات بس … لو التحضير قليل .. مفيش wall طاير .. و التسوس مكلش حجم كبير من السنة … او في الاسنان الخلفية لأنه القنوات بتبقا ضيقة و curvy فصعب نحط بوست ببساطة

و بالعكس في اسنان لازم نحط فيها بوست … لو التحضير كتير و wall او اكتر ضايعين .. و التسوس اكل جزء كبير من السنة .. او الدنتين هيكون تحت stress جامد و متوقع انه يتكسر عاجلا ام آجلا زي ال upper 4 & 5 مثلا ..

————————–————————–————————–——–

طب خلاص خلصنا ال examination و عرفنا الاسنان ال indicated و ال Contraindicated يا ترى هنختار اي نوع يناسب الحالة و ايه الانواع اللي موجودة اللي ممكن نختار منها ؟؟ .. ده اللي هنشوفه الجزء الجاي ان شاء الله